攻打Q魔之國第2日﹗ 由於第一晚叔到酒店都成11點，訓得黎都12點幾，所以早上都係有唔願起床既情況出現。 8點起身，8點8個字早餐，同行既女仔問︰「你堀唔堀呀？我今日堀唔起呀……」(意思係指今晚去唔去道頓堀買野，但太疲倦，唔想行街。) 
0係日本既早餐都係呢d喇~但都幾好食架﹗我每日都必飲d面鼓湯架﹗有時重要2碗添﹗ 今日一早係去京都既清水寺，去搭電車，日本既電車痴漢真係特別多架﹗D線多到睇唔明﹗同樣一個站0者，做咩要有幾種唔同價格既電車去先得架…痴漢線架… 因為我地買左540YEN既車票去京都站，但唔知邊度搭，問D站員，我地又雞同鴨講，我只係識聽「XXX架，XXX既呢，所XXX既呢，阿囉……係﹗」咁樣，最後指手劃腳完之後，我地終於入到一個可以入票既閘機(因為之前D閘機入唔到票所以我地先問人嘛﹗)入到去，好少人喎﹗可能已經過左9點返工時間啦。 電車黎到，個站只係見到一個阿婆上車，我地入到架電車度覺得好舒服，人又無乜，D座位又好似香港既火車優先座咁舒服喎，幾開心架﹗但坐坐下有人問︰「我地會唔會搭錯車，有人黎查飛架？」
「不過我地係得呢個閘機先入到架喎。」
「咁又係。」 正所謂好多時「好既咩咩醜既咩」，有一個英文發音都唔錯既男人走左入黎CHECK我地既車票喇，好一個鐵道員呢~呢個時候D發音我地識聽架，所所所…我地搭錯車架，呢架原來係EXPRESS既呢﹗我地既車票唔係FOR EXPRESS架，要補630YEN既呢~好架好架，唔怪得無乜人同埋架車會咁快架﹗我地係早左到京都架，但係畀多左錢架，我頂架﹗多一倍架﹗八格﹗*^!^_#^*(@&#*!@ 
呢架就係express了，我記得你架喇……我手上左邊既就係原本540yen既飛，右邊既就係補既飛...... 11點多到了京都站，同架激鬼死畀多錢EXPRESS影完相之後就去搭206既巴士到清水寺附近落車行。 
行上去清水寺前既大段鈄路，都幾有特色。 行到差唔多到既時候，見到有兩個著和服既日本女仔，JANICE應該以為呢D係藝妓，上前同佢地影相，咁佢地隔離著和服既男人呢？我相信佢地只係普通盛裝參拜既日本善男信女0者，我地就唔係善男信女喇﹗係著和服都拉黎影相﹗ 
都係d 普通日本男女之嘛... 
清水寺門口，咁0岩有班日本學生黎參觀，搵佢地做佈景，哈哈~ 
0係日本哩一見過既「藝妓」﹗但我覺得佢地似係返工既，即係9點至5點0係呢度同人地影相既人囉，而左邊那個成個男人咁，個頭套都想甩咁濟... 
清水大舞台，但太多樹，睇唔清楚下面d建築。 入到清水寺門口影過相，去大舞台睇睇，真係好靚呀﹗重有好多「豪鬼D FRIEND」0係度添﹗(即係D日本神像，有打街霸既人會知係乜) 
「豪鬼d friend」 下午1點幾行返去搭巴士，中途好多好多手信店，而試食既都唔少﹗真係食左好多﹗ 
手信的地方 下午去左昨日入唔到去既二條城﹗哼﹗重唔畀我地去到？﹗二條城係德川家康既城堡，而德川家康就係創立德川幕府既第一人，當時佢……(下刪N個字，同樣地，我地有心機入去睇歷史，D女仔就係D裝修靚唔靚、間屋好唔好咁樣…… 睇左好多好多野呀﹗當時我心諗︰「如果阿湛同暴龍0係度既話一定勁正﹗因為佢地都好有興趣日本野﹗」(當時我話畀暴龍聽我會去日本時，佢既反應就係︰「我X丫﹗咁X正？﹗正呀﹗﹗﹗」) 
幾靚架﹗ 到5點幾時我地就搭巴士返去京都站，D旅遊書話京都站其實0係建立時被D日本人非議過既，因為個站設計得比較CYBER，唔似京都咁古色古香既感覺，但我就覺得都幾好丫，睇落都有另一種獨立既感覺既，只係似東涌既東薈城咁樣之嘛﹗ 
鐵路站出黎之後就係咁。 0係京都站，我地跟住D書去左一個叫拉面小路既地方食拉面，最初我以為呢個係一間店舖黎，原來係好多間拉面店組成既一個FOOD COURT喎﹗好好食呀個拉面﹗ 今次我地醒目返D喇，睇清楚邊度係新快速先上，540YEN咋﹗返去大阪再去難波站…… 當女仔話唔想行街，但個人去到有得SHOPPING既地方時，佢地既SHOPPING MODE就會啟動，連精神都會返埋黎﹗最無精神既就只會係行左好耐都無戰利品之時，如果有所斬獲甚至係滿載而歸時，精神係會百倍而回，比濫用藥物如嗎啡、海洛英更為顯著……(只是講笑咋﹗唔好信呀﹗) 行左一陣車站前地下街，女仔當然有斬獲，之後就去左道頓堀食河豚﹗第一次見到識同我地正常溝通到既人呀﹗係一個講國語既女侍應生﹗佢係北京黎日本讀書既，所以黎做兼職。 講返河豚，第一次食河豚畀我既感覺係「好似咬緊橡筋」，不過爽口D，除刺身外重食左D燒河豚，呢D比較好食，都食左7,200YEN呀﹗ 
河豚﹗有生食同埋壽司食法。 食完之後行隔離既心齋橋，見到一間機鋪，而女仔就見到一間好似莎莎/卓越咁樣既鋪頭，唔唔…各取所需，我就0係日本第一次打GUNDAM THE NEXT喇，100YEN一鋪，即係HKD$8呀﹗ 搭地鐵返酒店，發現我地其實可以行心齋橋返黎的，但當然比較遠同埋耐啦﹗ 最後0係酒店附近既AMPM便利店買左D零食就返去訓喇﹗ P.S.︰DQ IX今日已經超過100人﹗共144人﹗ | 
(扮晒蟹﹗)
